ਇਸ ਜਗ੍ਹਾ ਤੇ ਹੋਏ 100 ਤੋਂ ਵੱਧ ਫਰਜੀ ਵਿਆਹ ਦੋਖੋ

ਬਠਿੰਡਾ ਤੋਂ ਇਕ ਹੈਰਾਨੀਜਨਕ ਮਾਮਲਾ ਸਾਹਮਣੇ ਆਇਆ ਹੈ ਜਿੱਥੇ ਗੁਰਦੁਆਰਾ ਸਾਹਿਬ ਦੇ ਗ੍ਰੰਥੀ ਸਿੰਘ ਵੱਲੋਂ ਪੈਸੇ ਦੇ ਲਾਲਚ ‘ਚ ਆ ਕੇ 100 ਤੋਂ ਵੀ ਵੱਧ ਨਕਲੀ ਵਿਆਹ ਕਰਵਾ ਦਿੱਤੇ ਗਏ। ਦਰਅਸਲ ਜੋੜਿਆਂ ਦੇ ਵਿਆਹ ਤਾਂ ਉਸ ਗੁਰਦੁਆਰਾ ਸਾਹਿਬ ਕਰਵਾਏ ਜਿੱਥੇ ਉਹ ਖ਼ੁਦ ਸੇਵਾ ਨਿਭਾਅ ਰਿਹਾ ਸੀ ਪਰ ਜੋੜਿਆਂ ਦੇ ਮੈਰਿਜ ਸਰਟੀਫ਼ਿਕੇਟ ਕਿਸੇ ਹੋਰ ਪਿੰਡ ਦੇ ਗੁਰਦੁਆਰੇ ਦੇ ਨਕਲੀ ਲੈਟਰਪੈਡ ‘ਤੇ ਬਣਾ ਕੇ ਦਿੰਦਾ ਸੀ। ਗ੍ਰੰਥੀ ਨੂੰ ਪੈਸਿਆਂ ਦਾ ਇੰਨਾ ਲਾਲਚ ਸੀ ਕਿ ਨਾਬਾਲਗਾਂ ਸਮੇਤ ਰਿਸ਼ਤੇ ‘ਚ ਭੈਣ-ਭਰਾ ਲੱਗਦੇ ਜੋੜਿਆਂ ਦੇ ਵੀ ਵਿਆਹ ਕਰਵਾ ਦਿੰਦਾ ਸੀ।

ਇਨ੍ਹਾਂ ਕਰਵਾਏ ਗਏ ਵਿਆਹਾਂ ‘ਚੋਂ ਜ਼ਿਆਦਾਤਰ ਵਿਦੇਸ਼ ਜਾਣ ਲਈ ਕੀਤੀ ਜਾਣ ਵਾਲੀ ਕਾਂਟਰੈਕਟ ਮੈਰਿਜ ਸੀ। ਜਦੋਂ ਇਸ ਮਾਮਲੇ ਦੀ ਜਾਣਕਾਰੀ ਸ਼੍ਰੋਮਣੀ ਪੰਥਕ ਅਕਾਲੀ ਬੁੱਢਾ ਦਲ ਨੂੰ ਮਿਲੀ ਤਾਂ ਉਹ ਗੁਰਦੁਆਰੇ ਵਿਖੇ ਪਹੁੰਚ ਗਏ। ਉਨ੍ਹਾਂ ਦੇ ਪਹੁੰਚਣ ਤੋਂ ਪਹਿਲਾਂ ਹੀ ਗ੍ਰੰਥੀ ਸਿੰਘ ਉੱਥੋਂ ਫ਼ਰਾਰ ਹੋ ਗਿਆ। ਮੁਲਜ਼ਮ ਗ੍ਰੰਥੀ ਨੇ ਦੂਜੇ ਗੁਰਦੁਆਰਿਆਂ ਦੇ ਨਾਂ ‘ਤੇ ਲੈਟਰ ਪੈਡ ਬਣਵਾਏ ਹੋਏ ਸਨ। ਵਿਆਹ ਕਰਵਾ ਕੇ ਲੈਟਰ ਪੈਡ ‘ਤੇ ਸਾਈਨ ਵੀ ਉਸ ਨੇ ਆਪਣੇ ਹੀ ਕੀਤੇ ਸਨ।